يوسف هو أصغر قاص أنا أعرفه
8
8
سنين
يااااااه رجعنى كتير قوى
ورجعت اسأل أصدقائي القصاصين والشعرا " إزاى بدأت معاكوا؟ "
لقيت إجاباتهم تموت من الضحك ومفيش حد شبه التانى
أول إنتاجنا قد إيه كان بدائي وساذج وطفولى .. لما بعد مع نفسي وافتكر الحاجات القديييمة
اضحك وافرح قوى
المهم خلينا في يوسف بطل البوست
يوسف ميسره
الصف الثاني الابتدائي
الناشر: مدرسة الكمبيوتر فى مدرستةهى اللى صممت الغلاف وطبعت القصة .ـ بس هو فى العادى بيكتب ويرسم لنفسه ــ
لما طلبت منه نسخه من قصته " سوبر رابت"
رد :ممكن تشتريها هى بخمسين قرش.." حقة بقى الراجل مؤلف وشقيان"
ولما طلبت أصوره واكتب عنه موضوع
قالى: كلمى ماما
" ده على اعتبار إنها مديرة أعماله"
عارفين برغم بساطة الفكره وطفولية الحكاية .. هو حاسس أهمية اللي بيعمله
وده شئ جميل
هناك ١٢ تعليقًا:
يا عسل
جميل اوى ان يبقى فى مواهب صغيره كده
والاجمل ان يبقى فى اهتمام وتشجيع للمواهب دى
ربنا يحفظه ويحميه يا رب
تحياتى
معاكى حق يا
reemoo
أهم حاجه ان الناس تشجعهم
وتبطل تخنقهم
....
على فكره هو كمان عسول على المستوى الإنسانى
وشاطر جدا
منورانى دايما
ياسكر
منين طيب نجيب القصة ؟ :)
جميل
محمود عزت
على فكره أنا ممكن أجيب النسخ
بس طبعا هاخد الخمسين قرش
+
عمولتى
أسعدنى مرورك
هههههههههههههههه
يااااااااااه
ده الموضوع في دماغك بقى
عارفة يوم ماكنتي بتحكي عنه ماكنتش متصور إنك ممكن تكتبي عنه
بس بجد الموقف بتاع كلمي ماما قاتل و يستاهل يتكتب عنه
تحياتي
ياااااه
انتي فين من زمان...انا قلت انتي طمعتي في الالفا روميو وعمالة تلفي بيها ومعنتيش هتكتبي تاني
عموما العود احمد ان شاء الله
بس مش شايفة ان خمسين قرش دي كتير قوي؟
طبعا بهزر
تحياتي ليكي
أجمل حاجة فعلا أنه عارف قيمه اللي بيعمله .. يا ريت احنا اللي نتعلم منه دا .. ويا ريت كمان ما يكونش النظام التعليمي بتاعنا سبب في موته أدبيا أو علي الاقل كبته
إنتي بتهرجي ،،،،، ماااااشي !!!!
.
.
فينك ؟؟؟؟
مادو
بجد الولد ده قرب يخلص مجموعته
s samir
حرام عليك
ده مدعم
shady
معاك حق بس متهيألى الموضوع ده بيعتمد على قدره الفرد على المواجهه
قد ايه هيكون صموده
ابراهيم
لاءه بهزر
أو
واخده تعسيله
إجباريه
نورتونى
الحفل القادم لاسكندريلاّ يوم 11/6/2007 بالجامعة الأمريكية
اسكندريلاّ موجودة على مسرح الجنينة يوم الجمعة 29 يونيو من9-10 مساءا
المكان: حديقة الأزهر طريق صلاح سالم الدراسة
جميع العروض مجانية بخلاف تذكرة دخول الحديقة
ازيك يا دعاء
أولا مدونتك حلوة جدا
ثانيا بالنسبة للبوست ده هو بيرجع كل واحد بيكتب لطفولته
أنا شخصيا عملت حاجات كتير من النوع ده و انا صغير
ثالثا : عايز أقرالك بشكل حقيقي و مش عارف ده ممكن يتحقق ازاي
تحياتي
طارق إمام
متشكره قوى
أنا عن نفسى أيام طفولتى كتبت حاجات ممكن يهددونى بيها
...................
أكيد ممكن ده شىء يسعدنى
إرسال تعليق