نسينا نظريات النقد والدراما والحبكه والعقدة والمنشار وقلنا نروق شويه
وبرغم إننا جوانا طاقه نقديه هايله " أنا وأصدقائى " ألا اننا قررنا عدم الحديث عن الممثل المدعى الخفه والقيم الهابطه والسيناريو الغارق فى العاديه والنهايه الزائفه " أصل دى حاجات طبيعيه
وحركة الكاميرا التى معرفش كانت أبصر إيه .. وشوية كلام وجعنا دماغنا بيه سنين طويله
وقررنا أننا نستهيف شويه وكل حد مننا يغويه شيطانه بأن يقول كلمة نقد
يستعيذ قائلا ده فيلم عربى
وضحكت ضحكت بصوت عالى وعملت نفسى قال ايه عجبنى .. بصراحه ساعات كتير بشتاق للهيافة
هناك ١٨ تعليقًا:
ازيك يا دعاء
لسه كنت في سيرتك امبارح مع واحد صاحبي وكنت هكلمك علشان أطمئن عليكي
عاملة إيه وإيه الاختفاء الغامض ده؟
وحد برده يروح فيلم لتامر حسني
المهم تكوني استمتعتي
ابقي اظهري
بصراحه ساعات كتير بشتاق للهيافة
دا الشرط الانساني للوجود، وكلما زادت هذه الساعات كلما اصبح الانسان اكثر وجودا
متسمعيش كلام العزب. شهادته مجروحة لان فيه مشاكل بينه وبين تامر حسني ربنا هينصر فيها تامر حسني حبيب الشعب ان شاء الله وهيقدر يسدد الميت الف جنيه اللي عليه للعزب
العزب: اتقوا ربنا بقى في الفن والفنانين. مش كل حاجة فلوس فلوس كدا
دعاء: تحياتي. المدونة جميلة طبعا كما هو متوقع
محمد صلاح العزب
الحمد لله
حلوه وكويسه .. ومفيش غموض ولا حاجه.. غيرش بس فتى
الوصله الغير طيب وياااه لسه هروح سايبر
وكمان الكمبيوتر كان بعافيه حبتين ودخت بيه
عن تامر حسنى
هو ده المطلوب متهيألى مكنتش هلاقى بطل .. وفيلم تنطبق عليهم المواصفات دى كلها
منور دايما
نائل الطوخى
الشرط الإنسانى للوجود
والله المفروض ده يدرس ويستفاد منه بشكل عملى .. يعنى بصراحه لازم نواجه نفسنا بالحقيقه
تامر ده رمز لا يجوز المساس به أو اننا حتى نلمح عليه بحاجه كده ولا كده
ولا إننا نقول انه علامه على تردى الذوق عندنا أوالكلام المغرض ده
مرسى قوى
نورتنى جدا
تعرفي ساعات بقعد ادور في الدش على قناة بتعرض فيلم لاسماعيل يس او فؤاد المهندس رغم اني حافظة اغلبها بس بلغي مخي معاها و اهيس
ايوة بنريح في الهيافة
تحياتي
sampateek
أهلا بيكى ياقمر
اه بحب الأفلام دى برغم انى حافظاها
وبعد أستنى مشاهد معينه
ممكن أكون شفتها 35 مره مثلا
واحيانا اكون مع حد " صغير غالبا" ونعد نشوف مين فينا حافظ أكتر
وكده
تحياتى ليكى
دعاء - اسمه تامر حسني يا دعاء
عقبال الفيلم الجاي وكده يعني
فعلا الواحد ساعات بيبقى محتاج للهيافة والبعد عن الفلسفة والاشياء المركبة والمعقدة
فيلم بدنجان بجد
تحياتى
باخد الناس لحم وأرميهم قصص
الله الكلمة ديه وقفتنى كتير قدامها
---------------------
بالنسبة للأخ تامر حسنى فمعلوماتى التاريخية تؤكد أنه مغنى ما كانش لاقى حد يلحنله ويكتبله كلمات
فبقى يلحن ويغنى
وأتحفنا بكام شريط من عينة حبيبى وروحى وكلويا
وبعدين إكتشفنا إنه مزور وخرامى إبن ستين فى سبعين
فطلعت له مظاهرة زى الفل إتكتب عليها فى الجرايد أكتر من اللى اتكتب على مظهرات التعديلات الدستورية
ومش كده وبس
لا إتلزق له بوستر فى كل حتة
والعجيب بقى إنى كنت متصوره إنه هيطلع ببشلة حيث إن العساكر الغلابة فى القسم اللى واخد سنة واللى واخد 3 عتقوه ازاى ما تعرفش!!!!!
قالولك البشر خطاء وهو تمورة عمل إيه يعنى فى دنيته عشان نلومه كده حرام عليكو
قولنا مش مهم راح رازعنا شريط قلبى اتفلق عشان يبقى الحلق
تقريبا حبيته من الصاغة
هههههههههههههههههه
واللى بجد مستغرباه جدا ومش قادرة أبلعه خالص إنه بيمثل
ومش فيلم واحد لا 2
مشكلة والله
اهلا بيكى يانهى
ومن نجاح الى نجاح
وكده ويجعله فى كل خطوه معرفش ايه
ايه الحكايه بالضبط ؟
أنا هقلق عليكى
mohamed hossam
ده منطقى جدا
بس تعرف
المشكله تبدأ
لما نحتاج قوى للهيافه
نقلق على نفسنا أو نحس ان فى حاجه غلط
علا الساكت
واللى هيجننى انه طلع من السجن" السجن للجدعان " أكثر نجومية وعادى خالص ولا كأن فى حاجه
حاجه غريبه
أو مش غريبه
يمكن هو ده العادى
واحنا مش واخدين بالنا أو ناسيين
هننام بقى ؟؟؟؟
هيااافة ، وهيفنا ، جد وجددناااا ؟!!!
فين الجديد يا ميس ؟؟
بصي يادودو يا متأخرة عن التدوين عمر وسلمى (كصة حوب) تفلق طبعا أنا بكره الشخص ده جدا وكنت بقى آخر في السينما أنا عايزة قص ولزق وصاحبتى عمر وسلمى بس مش علشان بتحبه بالعكس بس نفس المشكل كان نفسنا نهيف بس الحمد لله انتصرت وأخدتها على قص ولزق يابنتى كفاية فينالة الفيلم وغنوة هدى عمّار
مش تقوليلي تامر
وعلى رأي العزب المهم تكونى انبسطى
متتأخرش في التدوين بقى عايزين شغل
عارفة .. الغريب مش الفيلم
الغريب انك تستغربى ده
ده العادى دلوقتى
وبعدين هو لسه فيه حد بيشوف أفلام عربى ؟؟
سلام
إزيك يا دعاء أنا راموس قصدي رامي عادل إنت عامله إيه معلهش أنا ووائل وخليل مش هنيجي ابدأ المرة الجايه حالتنا النفسوية وحشة جداً وفب الحديد ده إحنا كمان قفلين موبيلتنا ومبنردش على حد شايفين ابدأ بتقع و شر وقعت خلاص الحاجة الحلوة في ده إني عملت مدونة وده اللينك بتاعها http://arabeesko.blogspot.com/ هي اسمها أربيسك على العموم هتوحشيني قوي حبي لك راموس قصدي رامي
تحليلك سطحى جدا
شويه مصطلحات معندكيش قدره انك تفسيرها
ممكن يكون رايك صح لكن مبررات رفضك ساذجه الصراحه
الفيلم هايف صحيح بس يمشي .. نتفرج عليه مرة بس مش مرتين .. اللي يخنق كل شوية بنت تسألني انتا شفت عمر وسلمي .. طب بتحب تامر ... انا اتخنقت من المعجبات أكتر ما اتخنقت من الفيلم
تحياتي
إرسال تعليق