بسرعة صعدت السلالم المؤدية إلى الطابق الذي يعلونا
ترررررررررررررررررررررن
"ده صوت جرس الباب"
ـ رانيا
ــ نعم
" رانيا تبقى بنت اخويا وهى فى "
kg2
ـ بتحبى ميكى أكتر ولا بطوط
" مقدرش أنكر إنها اتخضت واتلجلجت شويه.. لكن بين نظرات الدهشه فى عيون المحيطين.. وحالة الترقب اللي عندي جت الإجابة "بحب بطوط"
مش ممكن فرحت بيها قوى تعرفوا لو كانت قالت ميكى كنت هحس إن ده ضدي أنا شخصيا
ساعات بحس إني ميكي وساعات كتيييييييير بحس إني بطوط
ومع الأسف مبحسش خااااااااااااااااااااااااااااااالص إني عم دهب
من أيام طفولتي وأنا متعاطفة مع بطوط بكل أخطائه ولحظات ضعفه وساعات ضيق أفقه..وكسله هو أينعم ميكى ذكى وبيحل كل الألغاز لكن بطوط حد تلقائي, طيب قوى وعلنياته عشان كده يمكن نكون بنحس ساعات إنه إحنا.. قال يعنى إحنا طيبين
هناك ١٣ تعليقًا:
غريبة اوي الحكاية دي
تصدقي فعلا ان احنا مش طيبين
جايز دا السبب اني بحب ميكي
على فكرة انا سعيد جدا ان ليكي مدونة
لعلها طريقة اكثر فاعلية للتواصل
تحياتي
21 arestoo
دى صراحه تحسد عليها... وأكيد أنا أسعد بمدونتك يافندم
نفسى أنسى أن فيه حاجة أسمها نسبية
انا طول عمرى بحب بطوط اوى
مش عارفه ده معاناه ايه
بس مش كنت بحب حكايات ميكى ولا بتشدنى
مدونتك لطيفه يا قمر
تحياتى
بسم الله الرحمن الرحيم
الاجابة بطوط
بطوط اهوه علشان متعملوش زي الاستفتاءات اللي انتوا عارفنها
تحياتي ومبروك المدونة
أنا كمان بحب بطوط اكتر .. ايه المشكلة .. ميكي كان مثالي أوي ويعقد لأي طفل لانه صعب يبقا زيه .. واحد مؤدب ومحترم وبيحل ألغاز بوليسية في وقت فراغه .. اما بطوط الغلبان البسيط الطيب .. فأقرب لخيال الطفل .. وبيحسسه انه هايبقا احسن منه لما يكبر
بس خلاص
maged stephen
هى دى حاجه تتنسى
reemoo
مدونتينك جامدين قوى
ـــــــــــ
نهى محمود
الله يبارك فيكى .. مستنيه روايتك
..من غير استفتاءات
ـــــــــــــــــ
shady
كان فى كتاب اسمه
how to spoil your child
بيحكى فى فكره ان الأباء مينفعش يطلبوا من أولادهم انهم يبقوا مثاليين.. لان ده هيعمل لهم صدمه مستقبليه
ــــــــــــــ
تشكرات
اهم حاجة انك ماجبتيش سيرة عصابة القناع الاسود
دول اللي بموت فيهم بحس ان غباءهم لذيذ....ماشيين كدة جوة القصص ضاربين التيشيرت المخطط والقناع والناس بقى مش عارفة انهم حرامية
حاجة لذيذة جدا
تحياتي
اممممممم بصراحة انا بحب بطوط بطوط لأنه قريب من الواقع نوعًا ما
لكن انا غريب شوية بحب كل الفيلنز بتوع والت ديزني عن دنجل وسونيا وعصابة القناع الأسود وبكره أكيد محظوظ وبتعاطف مع عم دهب علي الرغم من كل شيء
موضوع يد بصراحة
ماله ميكي بس
الراجل مثالي جدا
ليه محبوش
A.samir
تصدق بحس بتعاطف بود مع الشخصيات دى وبزعل اوى لما البوليس يقبض عليهم فى النهايه
"الجزء التربوى"
ـــــــــــــــــ
altaeeralgareeh
أنا عموما بتشل من محظوظ وعم دهب بيغيظنى .. جدا
خصوصا حمام الدهب اليومى اللى بياخده.. حاجه تفقع.
أسعدنى مرورك
ـــــــــــــــــ
مادو
تقصد اننا أعداء النجاح بقى وبنغير منه
إرسال تعليق