لازم نشحت ساعتين كل يوم على الكوبرى
احسبها صح
تعيشها صح
سلسلة من الاعلانات حملت شعار احسبها صح تعيشها صح
بداية احنا ضد التبذير بكل أشكاله ومش ضد اعلانات التوعية ..حقيقى لازم نوفر فى الطاقة والمياه والموبايل اللى مصر بتصرف عليه ملايين كل سنه لكن هقول ليه الاعلانات دى بتستفزنى
لأن ناس بتاخد مرتب 300جنيه واقل من كده المبلغ ده لو واحد من الناس المسؤلين فكر يديه لابنه مصروف هيرميه فى وشة ويروح يشتكيه لماما
تفتكروا الناس دول لو حسبوها صح ولاغلط هيعيشوا ازاى الناس دى لا بتركب عربيه ولا بتحلم بكده ولا مشكلتها الركنة ولو لقت ميكروباص بتحمد ربنا ومش عايزين يشتروا كمبيوتر ومش بيشتروا ادويه ع الفاضى والمليان الناس دى بتخاف تعيا مش علشان العيا والرقده بس علشان مش هيقدروا يشتروا شريط أسبرين ولا حتى قرص ..الناس دى مش عايزة نباتات مسرطنة الدولة تزرعها وبعدين ترجع تعالج الناس من أثارها وطبعا العلاج بيتكلف ملايين يبقى كده احنا لازم نقول لهم انتوا اللى محسبتوهاش صح وياريت تحسبوها مره لصالحنا .مين فينا ميعرفش حد من اللى حواليه مات بالسرطان .ومين يعرف انه مش هيموت بسببه.

هناك ٨ تعليقات:
أنا كمان الحمله دى بتستفزنى للغاية .. الواقع المصرى بالذات عصى على كل محاولات الحسابات المنطقية
تحياتى
معاك حق يامحمد
وكل الناس اكتفت بالمشاهده
انا مرتبى 179 جنيه
احسبها صح
احسبها غلط
مش راضية تيجى ابدا
لكن لازم نعزر الحكومة
هى هتعمل ايه ولا ايه
حرام عليكم يا جماعة بلاش ضغط على الحكومة
وبعدين ( احسبها صح تعيشها صح )
حملة مستهدفة لسكان القطامية هيتس
او مارينا هيتس
او بورتو هيتس
لكن مش امبابة هيتس ابدا
تقبلى مرورى
الغريبة هى غير قابلة للضغط
هى ممكن تجيب لنا الضغط بس
بجد بجد دي حاج جميلة جدا
الرسالة واضحة للكل والحدق يفهم
احسبها صح يعني ممكن تسرق وترتشي مفيهاش حاجة
احسبها صح يعني سيبوا البلدوارحمونا بقى
احسبها صح يعني ريحونا وموتوا
ياطم طم
بعد الشر علينا
ده اول هام
وهى الدنيا كده كل واحد بيحسبها على كيفة حتى لو غلط
ابقى خلينى اشوفك قريب
احسبها صح تعيشها صح :)
thx
كشف تسربات المياة
غسيل خزانات
شركة نظافة عامة
إرسال تعليق